नातं

नातं

क्षुल्लक कारणानं तुटत असलेलं नातं

फारवेळ ताणूच नये जोडावे ते परत

आपलचं काही जर असेल चुकलं

तर माफी मागून व्हावं मोकळं

डोक्यावर नकोच नुसता भार

माफी मागायला नका करु उशीर फार

आपल्याच माणसाची माफी मागायला कसली आलीय लाज

उद्याचा दिवस चांगला यावा म्हणून माफी मागावी आज

समोरचा जर असेल चुकला तर

काय होतयं आपण माफ केलं तर

क्षणभंगुर आहे आयुष्य माणसाचं

कर्तव्य पार पाडू नातं जपण्याचं

माफी मागण्यानं कोणी होत नसतो लहान

उलट माफी मागणाराच असतो महान

तुटत असलेली नाती खुबीने जपावी

कुठल्याही नात्यात कधी दरीच नसावी

© हिंदुराव गोळे ✍🏻✍🏻✍🏻

ही आणि अशाच काही कविता, पोवाडे, कथा तसेच काही आठवणी वाचण्यासाठी आपल्या ब्लॉगला खालील लिंकवर जाऊन अवश्य भेट द्या.🙏🏻

 

🙏🏻🍁🙏🏻🍁🙏🏻🍁🙏🏻🍁🙏🏻🍁