माझी आई

माझी आई

माझी लाडाची माय माऊली

होती पदरात तीच्या प्रेमाची सावली

संकटांशी लढण्याचं मिळत होतं बळ

जेव्हा जात होतो तीच्या कुशीत एकवेळ

लाडाची न् प्रेमाची करायची ती पखरण

काळजाच्या कप्प्यातून मायेची करायची ती उधळण

अपराध माझा ती पोटात घालायची

चुकलो जर कधी तर कान ही पकडायची

सांग कसा तुला मी असा विसरु

तुझ्याविना पोरकं आहे गं  तुझं कोकरु

आठवतेस तू एका दिवसात अनेकदा

येशील का गं माझ्यासाठी तू एकदा

©  हिंदुराव गोळे