लेक

लेक

पोटी एक तरी लेक  असावी

काळजाच्या तुकड्यापरी तिला जपावी

लेक असते बापासाठी जणू दुसरी माय

दिसली नाही घरात ती तर त्याला करमतच नाय

तीच्या कोडकौतुकासाठी त्याची सारी धडपड

ऐकून घेतो कधीतरी तीची उगाचची बडबड

जपतो तीला तळहाताच्या फोडाहूनही काळजीनं

लेकही बापासाठी सोसते सारं आनंदानं

कमी जास्तीसाठी नसतो तीचा हट्ट

बापलेकीच्या नात्याची वीणच असते घट्ट

उंबरा ओलांडून निघताना लेक सासरी

बापाच्या डोळ्यातील अश्रू थांबतच नाहीत काही केलं तरी

आठवतात ठसे त्याला तीच्या मृदू पावलांचे

आठवण होते मायेने मिठी मारलेल्या तीच्या इवल्याशा बाहूंचे 

आईपेक्षाही बाप तीला अधिक जवळचा वाटतो

 दगडाच्या काळजाचा बाप लेकीसाठी हंबरडा फोडतो

आनंदात सुखात संसार कर सांगतो

आशिर्वादासाठी डोईवर ठेवलेला हात त्याचा थरथरतो

काळजाच्या तुकड्याला दूर जाताना पाहून

एकटाच बाप मान खाली घालून रडतो हमसून हमसून

जीवातला जीव करून परक्याच्या हवाली

बाप होतो लेकीसाठी मायेची सावली

✍🏻 हिंदुराव गोळे

https://hinduraogole.blogspot.com/

👆🏻 आपल्या ब्लॉगला अवश्य भेट द्या.🙏🏻

🙏🏻🌼🍁🙏🏻🌼🍁🙏🏻🌼🍁