तुझं असणं

तुझं असणं 

शब्द माझे जणू मुके होतात

जेव्हा तुझे बोल कानी पडतात 

तुझ्या गालावरची खळी बघून 

गुलाबही जणू जातात हरवून 

तुझ्या डोळ्यांतील भाव बघून 

हरणीही जाते लाजून 

तुझा रेशमी केशसंभार बघून 

नकळत बोटे फिरतात जपून 

तुझ्या डोळ्यांतील अश्रू बघून 

काळजातील घागर जाते भरुन 

तुझं ते मोहक हसणं बघून 

चांदण्याही जातात लाजून 

तुझ्या सहवासात जातो रमून 

हवाहवासा वाटतो तो अजून 

हरवते मला ते तुझं असणं 

आयुष्य होतं गोड गाणं 

✍🏻 हिंदुराव गोळे 

🌸🌸🌸🌸🌸

https://hinduraogole.blogspot.com/

 ☝🏻 आपल्या ब्लॉगला अवश्य भेट द्या. 🙏🏻