शाळा

शाळा

आठवते मला माझी शाळा

पाटी पुस्तक दप्तर आणि फळा

गुरुजींनी शिकवलेली बाराखडी

तशीच आठवते त्यांची ती छडी

मित्रांसोबत शिकलो इथे आनंदाने

खेळलो रुसलो भांडलो फक्त प्रेमाने

आठवते आता ती सारी मस्ती

अभ्यासापेक्षा खोड्याच जास्ती

सोपी होती ती शाळेतील परीक्षा

रागाने दिलेली गुरुजींनी शिक्षा

गुरुजींच्या रागातही होती माया

विद्यार्थ्यांच्या भविष्यासाठी प्रेमाची छाया

येतील का ते दिवस पुन्हा आनंदाचे

हसण्या खेळण्या बागडण्याचे

पुन्हा पुन्हा वाटते शाळेत जावे

पुन्हा पुन्हा वाटते लहान व्हावे

गुरुजींनी आपला हात धरावा

पाटीवरती श्रीगणेशा गिरवावा

जीवन शिक्षणाचे हे विद्यामंदिर

खरचं होते ते खूपच सुंदर

© ✍🏻 हिंदुराव गोळे

    कविता, पोवाडे आणि लेख वाचण्यासाठी आपल्या ब्लॉगला अवश्य भेट द्या.🙏🏻