कृष्णामाई

कृष्णामाई

निळाशार पाण्याचा साठा स्वच्छ आणि निर्मळ

चोहोबाजूंनी आच्छादलेली डोंगरावरची हिरवळ

एक एक लाट येऊन काठावर धडकते

पाहताना तो जलप्रवाह मन आनंदी होते

कृष्णामाईच्या पाण्याचा हा पवित्र जलस्त्रोत

जातो काठावरच्या गावांची शेती पिकवित

पाण्यामध्ये निवांत जो उभा राहिला

शितलतेचा आनंद मिळतो त्याच्या तनामनाला

पिण्यासाठी पाणी मिळते फुलतो शेतमळा

उपकार कृष्णामाईचे आठवून पाणी येते डोळा

श्रीकृष्णाचं जलरुप कृष्णामाई

चरणांवरी तीच्या नतमस्तक डोई

© ✍🏻 हिंदुराव गोळे

    कृपया आपल्या ब्लॉगला अवश्य भेट द्या.🙏🏻