तारुण्यं

तारुण्यं

तारुण्यं म्हणजे सळसळत्या रक्ताचं स्पंदन

निसर्गाने मानवाला दिलेलं अनोखं आंदण

काहीतरी करण्याची सततची जिद्द

संकटांशी लढण्याची एक निर्भिड उमेद

तारुण्यं म्हणजे मनमयुराचा मनमुराद नाच जसा

विश्वकर्त्याचा ऐटदार अबलक घोडा जसा

भविष्याचा राजमार्ग तयार करण्यासाठी

तारुण्यं असतं जीवनाचा स्वर्ग बनवण्यासाठी

ते असतं अथांग भावनांचा सागर

रसरशीत फुललेला जसा अंगार

तारुण्यं म्हणजे घोंघावणारं वादळ

स्फुरणाऱ्या बाहूंचे सळसळतं बळ

तारुण्यात स्वतः ला सावरायचं असतं

वाईट मार्गावर जाण्यापासून जपायचं असतं

तारुण्यंच ठरवत असतं उद्याची दिशा

जगायचं असतं ठरवण्या भविष्याची दशा

तारुण्यं म्हणजे तरुन जाणं

असतंआयुष्याचं अनोखं लेणं

© ✍🏻 हिंदुराव गोळे

     यापूर्वीच्या कविता, पोवाडे आणि साठवणीतील आठवणी वाचण्यासाठी खालील लिंकवर आपल्या ब्लॉगला भेट द्या.🙏🏻

https://hinduraogole.blogspot.com/

🙏🏻🌹🍁🌸🙏🏻🌹🍁🌸🙏🏻