आईवडील

आईवडील

काठीसोबतच म्हातारपणी आपल्या माणसांचा आधार असायला हवा

लेकी सूना नातवंडाचा घरात सतत राबता असावा

म्हातारपण म्हणजे दुसरं असतं नवं बालपण

हसता खेळता जावा त्यांचा प्रत्येक क्षण न् क्षण

वृद्ध आईवडिलांना जीवापाड जपावं

त्यांनी केलेल्या उपकारातून थोडसं उतराई व्हावं

अनंत यातना कष्ट सोसले आजवर त्यांनी आपल्यासाठी

आता आपली पाळी व्हावं त्यांच्या आधाराची काठी

वृद्धाश्रमाची त्यांना कधीच चढावी लागू नये पायरी

विसरु नका आपलं अस्तित्व ही पुण्याई त्यांचीच सारी

तळहाताच्या फोडासारखं जपलं त्यांनी आजवर

वेदना होता आपल्याला जीव होई त्यांचा खालीवर

आजवर सांगा कुणी देव आहे का पाहिला

आईवडीलच साक्षात ईश्वर आहे आपला

तेच आपले देव आणि तेच आपले गुरु

त्यांच्यापासूनच खरे आपले अस्तित्व सुरु

उतारवयात काळजी घ्यावी आशिर्वाद मिळेल त्यांचा चांगला

देवाकडेही नोंद असते आईवडीलांशी तू कसा वागला

आईवडील म्हणजे साक्षात देवाचेच रुप

त्यांच्या सहवासातच खरा आनंद मिळतो खूप

सोडून गेल्यावर मग त्यांची खरी किंमत कळते

आठवणींनी त्यांच्या मग काळीज तीळ तीळ तुटते

© ✍🏻 हिंदुराव गोळे

   

      यापूर्वीच्या कविता, पोवाडे आणि काही आठवणीतील लेख वाचण्यासाठी आपल्या ब्लॉगला अवश्य भेट द्या.🙏🏻

https://hinduraogole.blogspot.com/

🙏🏻🍁🌸🙏🏻🍁🌸🙏🏻🍁🌸