आई

आई

देव सर्वांसाठीच येऊ शकत नाही धरेवर

म्हणूनच त्याने आईला पाठवले माया करण्या लेकरांवर

आईच्या मायेला जगी तोड नाही

निरपेक्ष प्रेमाला तीच्या जोड नाही

लेकरांच्या सुखासाठी राबते रात्रंदिवस ती

किती आणि कसे कष्ट सोसते सर्वांसाठी ती

वेळप्रसंगी स्वतः ती उपाशी राहते

पण मात्र लेकरांना मायेचा घास भरवते

चंदनापरी कष्टविते तीची काया

डोळ्यात तीच्या अगणित माया

आईसारखी कोणी आहे का या जगती

शब्दांत सामावू शकत नाही तीची महती

तीच्या पदराखाली सुख सारे सामावते

मायेच्या ऊबीत तीच्या मन आनंदी होते

फक्त एका दिवसापूरती नका गाऊ तीची थोरवी

नित्याने तीच्या आदरार्थ गोड गाणी गावी

आत्मा आणि ईश्वराची आई प्रचिती

जगतात राहील तीच्या मायेची ख्याती

आईसारखे दुसरे दैवत जगी दुसरे नाही

आईला दुजी उपमा कशाचीही नाही

स्वामी तिन्ही जगाचा आईविना भिकारी

पूजितो आईला मी माझा हृदयमंदिरी

© ✍🏻 हिंदुराव गोळे

   मातृदिनाच्या सर्वांना मनस्वी शुभेच्छा.

सर्व मातांच्या चरणी सविनय सादर समर्पित.❤️💐💐

    यापूर्वीच्या कविता, पोवाडे आणि काही साठवणीतील आठवणी वाचण्यासाठी खालील लिंकवर आपल्या ब्लॉगला अवश्य भेट द्या.🙏🏻

https://hinduraogole.blogspot.com/

🙏🏻🌹🕉️🙏🏻🌹🕉️🙏🏻🌹🕉️