लक्ष्मण

लक्ष्मण

लक्ष्मणा नाही आठवली का तुला उर्मिला

जीला अयोद्धेत सोडून तू वनवासात आला

बंधूप्रेमाचा तू भुकेला सदोदित

श्रीरामानेही केला तुझा सन्मान यथोचित

तु आखलेली ती प्रसिद्ध लक्ष्मणरेखा

रावणही भयभीत झाला प्रसंग त्यावर बाका

रामजानकीच्या वाटेतील काटेकुटे तु काढलेस

श्रीरामजानकीचे चरण तु सदैव पुजलेस

श्रीरामापेक्षाही खडतर वनवास तु भोगलास

बंधुप्रेमाचा सर्वोच्च दाखला तु ठरलास

इंद्रजीताच्या बाणाने मूर्च्छित तु झालास

रामाच्या काळजाचा ठोका तु चुकविलास

श्रीरामाच्या आधी शरयूमध्ये जल समाधिस्त झालास

बंधू वचनासाठी प्राण स्वतःचा त्यागलास

तुझ्या बंधूप्रेमाची जगीं अमर कीर्ती

शेषाचा अवतार तु अलौकिक तुझी ख्याती

© ✍🏻 हिंदुराव गोळे

    खालील लिंकवर आपल्या ब्लॉगला अवश्य भेट द्या.🙏🏻

https://hinduraogole.blogspot.com/

🙏🏻🌹🌸🍁🙏🏻🌹🌸🍁🙏🏻