वारसा शिवरायांचा

वारसा शिवरायांचा

शिवरायांच्या रक्ताचा अन् जिजाऊंच्या संस्काराचा

वारसा जपलेला शंभूछत्रपती आमुचा

लेखणीबरोबरच तलवारही तळपली ज्यांची

तिन्ही लोकी अजरामर किर्ती उरली त्यांची

स्वराज्यवेदीवरच्या यज्ञात दिली आहूती प्राणांची

पूजा करतो त्या धीरोदात्त बलिदानाची

ज्वलज्वलनतेजस चरित्राची शौर्य कहाणी

लिहितानाही थरथरते लेखणी

बलिदानाच्या तुमच्या धवलांकित किर्ती

मृत्यूंजय संभाजी अशी जगी उरली ख्याती

वढू तुळापूर भीमा इंद्रायणी संगमी

पावन झाली शंभूच्या रक्ताने पवित्र ती भूमी

तव तेजाच्या अंशाची आम्हा अभिलाषा

काळावरही घाव घालू असा आहे भरवसा

प्रसन्न होई तुळजाभवानी आशिर्वाद देऊनी

चंद्र सूर्यही गातील अमरशंभूची अमरकहाणी

धर्म रक्षिला तुम्ही हो बलिदान देऊनी

बळ देईल ते आम्हा लढण्या संकटा अस्मानी वा सुलतानी

नश्वर देहाचा मोह सोडूनी अमर तुम्ही हो झाला

एकच एक धर्मवीर शंभूराजा या जगी अवतरला

✍🏻 हिंदुराव गोळे

    अशाच काही कविता, पोवाडे तसेच लेख वाचण्यासाठी खालील लिंकवर आपल्या ब्लॉगला भेट द्या.🙏🏻

https://hinduraogole.blogspot.com/

🙏🏻🌸🌺🌼🍁🌼🌺🌸🙏🏻