प्रेम कोणाचं कसं

प्रेम कोणाचं कसं

प्रेम कोणावरही करावं 

भावानं भावावर

बहिणीने भावांवर

मुलांनी आईवर

पतीनं पत्नीवर

पण प्रत्येकाच्या प्रेमात

एक स्वार्थ आहे

आपल्यासाठी धावून येण्याची

एक आस आहे

निर्भेळ निस्वार्थी कोणच 

नाही करत इथं प्रेम खास

एकमेकांच्यात देण्या घेण्याचाच

व्यवहार इथं होत आहे हमखास

पण देवाचं मात्र भक्तावर जसं प्रेम

असतं

त्या प्रेमापुढे सर्वांचे प्रेम नेहमीच खुजं ठरतं

प्रल्हादाला देवाने संकटातून तारला

सुदाम्याच्या प्रेमापुढे  देवही रडला 

अर्जुनासाठी देव सारथी झाला

उष्ट्या पत्रावळ्या उचलून दासही झाला

ज्ञानेशाची भिंत स्वतः देवाने ओढली

सावता माळ्याची भाजी खुरपली

एकोबांच्या घरी कावड वाहिली

तुकोबांची गाथा पाण्यावर तारली

देवाच्या आणि भक्ताच्या नाही उपमा प्रेमाला 

देव भक्ताच्या प्रेमाला सतत भुकेला

✍🏻 हिंदुराव गोळे

https://hinduraogole.blogspot.com/

👆🏻 आपल्या ब्लॉगला अवश्य भेट द्या.

🌹🌸🌺🍁🌹🌸🌺🍁